San Carlos Diocesan Synod in Cebuano version

ANG UNANG SYNOD SA DIYOSESIS SA SAN CARLOS

Unsa ba ang Synod?
Ang Synod usa ka Assemblia sa Kaparian, Diyakono, mga relihiyoso ug mga Layko nga gipanguluhan sa Obispo.

Naggikan kini sa pinulungang Latin: “Syn” – “Pareho” o “Managsama”
“Hodus” – “Pamaagi
· Sa ato pa, ang Synod mao ang Assemblia nga nangita ug managsamang pamaagi.

Ang tumong sa Synod mao ang paghatag opinion o advice sa katawhan aron magiyahan, matudlo-an ug maubanan sa dalan sa kabalaan ang tanan ginsakpan sa Simbahang Katoliko dinhi sa atong Diyosesis.

Ang unang Synod sa Simbahan nahitabo didto sa Jerusalem sa tuig 49 human sa pagsaka ni Kristo. Gihimo kini aron panaghisgot-hisgot kung angay ba i-implementar ngadto sa mga dili Judiyo ang mga tradisyon sa Judiyo. Nagkauyon sa Managsamang Pamaagi ang unang Simbahan niining maong desisyon.

Kini ang unang higayon nga atong Diyosesis sa San Carlos mohimo sa Synod.

Ang tema sa atong Synod mao kini: “Mianhi ako aron makabaton kamo ug kinabuhi, kinabuhi nga madagayaon” (Juan 10:10)strong>
Ang atong Synod nabahin sa 3 ka hugna:

1. Ang Pagpangandam
2. Panahon sa Synod
3. Hugna sa Implementasyon

1. Ang Pagpandam.

Naglangkub kini niining mosunod:

<strong>1. Sugod nga Pagpangandam

a. Evaluation sa lainlaing Komisyon ug Programa sa atong Diyosesis
b. Pagpili sa Komitiba sa Preparsyon
c. Launching sa Synod sulod sa Misa: June 4, 2006
d. Paghimo sa Survey
e. Direktoryo sa Synod imantala
f. Paghimo sa Kalendaryo
g. Plano sa Komunikasyon pagahimoon
h. Pagpili sa mga Delegado sa Synod

Note: Sulod sa Synod adunay mga eksperto nga mosulat sa lain-laing topiko sama sa “Ang Simbahan sa atong Diyosesis” “Unsa ang Kristohanong Edukasyon” ug uban pa. Ang mga eksperto nga mosulat niini gitawag ug periti (Latin nga pulong sa mga eksperto). Ang usa lamang ka eksperto gitawag sa Latin ug “peritus”. Ang ilang mga sinulat mahimong mga “proposal” o “lineamenta” sa pinulungang Latin.

2. Espirituhanon ug panahon sa Edukasyon

a. Himoon ang mga Komitiba nga mosulat sa Lineamenta
b. Oryentasyon ug pag-umol sa mga Delegado sa Synod
c. Paghulma ug pormasyon sa mga Session Facilitators
d. Kampanya sa pag-ampo
e. Liturhiya nga pagahimoon sa lain-laing mga parokya ug mga lideres
f. Pagmantala sa proseso sa Synod sa pamantalaan ug lain-laing media
g. Liturhiya sa Pagbukas ug Pagsugod sa Mini Synod

3. Hugna sa Pagpaminaw

– Niining bahina ang mini-synod sa mga parokya pagahimoon. Ang motto sa Obispo niining higayona mao ang Latin nga “Audiam” o “Pagpaminaw”. Maminaw siya sa tingog gikan sa Lokal nga mga Simbahan.

2. Panahon sa Synod

– Niining higayona ang mga topiko nga nahan-ay (lineamenta) pagapormahon ngadto sa resolution (instrumentum laboris) aron pagahisgotan sa mga Kaparian, mga relihiyoso ug mga laykong delegado sa Synod. Pagkahuman sa pagbotar sa mga kaparian mahimo na kining mga dekrito ug giya nga angay pagasundon sa tanang mga parokya.

3. Hugna sa Implementasyon

– Adunay Komitiba nga himoon sa paglantaw nga mapatuman gayod ang mga dekrito ug giya sa Synod. Kung adunay mga problema, dad-on kini sa maong komitiba aron mahisgutan.

Ang Synod sa San Carlos naghatag pagtagad sa Siyam ka Pastoral nga duso sa Ikaduhang Konseho Plenaryo sa Pilipinas.
Kini nga mga duso mao ang mosunod:

·1 Kinatibuk-ang Pag-umol sa Pagtoo
·2 Paghatag Katakos sa Layko paingon sa pagbag-ong Sosyal
& Aktibong presensya ug pag-apil sa mga kabus sa Simbahan
·3 Pamilya ang kinauyokan sa Pagsangyaw
·4 Pagtukod ug pagpalig-on sa pag-apil sa mga katilingban nga mao ang mga sakop sa parokya
·5 Kinatibuk-ang Pagbag-o sa mga Kaparian
·6 Pagkuyog sa Panaw sa mga Kabatan-onan
·7 Panagsabot sa dili mga Katoliko
·8 Diyalogo ngadto sa mga dili Kristiyanos
·9 Paghatag Kinabuhi ug Pag-umol sa atong mga Misyonero